Agosto 11, 6:29 p.m. – HINDI sapat ang pagsasara ng All-Thomasian “Kulo” exhibit upang pigilan ang paghahain ng kasong kriminal at administratibo laban sa 11 opisyal ng Cultural Center Philippines (CCP), kabilang ang pangulo ng CCP at dekano ng Conservatory of Music na si Raul Sunico.
Isinumite nina Jo Imbong, abogado ng Thomas More Society, kasama ang mga religious groups, ang reklamo sa Office of the Ombudsman kaninang hapon, dalawang araw matapos isara ang naturang exhibit.
Ani Imbong, tungkulin ng CCP na ipakita ang “positive Filipino values and identity,” ngunit kabaligtaran ang nangyari.
“Inirereklamo namin ang mga opisyal [ng CCP] dahil hinayaan nilang maganap ang [Kulo] sa loob ng CCP na isang pampublikong lugar,” ani Imbong sa isang panayam ng Varsitarian.
Isinama rin ng Thomas More Society sa listahan ng mga kinasuhan si Mideo Cruz, na kinondena ng Unibersidad noon lamang Martes dahil sa kanyang installation na “Poleteismo,” na tinawag ng ilang mga grupo na “pambababoy kay Hesukristo.”
“Si Mideo ay produkto ng Unibersidad ng Santo Tomas kaya nadidismaya ako dahil isa itong Katolikong institusyon,” ani Imbong.
Bago pa man tuluyang kasuhan sina Sunico at iba pang mga opisyal ng CCP, may mga pumipilit na sa kanilang magbitiw.
Sinubukan ng Varsitarian na kunan ng pahayag si Sunico ngunit tumanggi ito.
Nagsimulang mamunga ng iba’t ibang reaksyon mula sa publiko ang naturang exhibit mula nang magbukas ito noong Hunyo 17. Dapat sana’y aabot pa ang exhibit hanggang Agosto 21.
Sa ngayon ay hinihintay ng grupo nina Imbong ang abiso mula sa Ombudsman na inaasahang darating sa susunod na linggo. Lorenzo Luigi T. Gayya
Apparently ur definition of art is that which is gud and beautiful and not the interpretation of reality which has good and bad aspect…then u dont know art…how narrow can people get…
I agree.. Not everyone can actually understand “art”.. I guess the only reason why people reacted negatively to the paintings was because they were looking too much on the obvious instead of looking deeper into the picture..
The case did not stem from the differences of opinion of what art is or is not. The case on hand is about respecting other people’s rights. People have freedom to choose (or not to choose) his/her religion. However, how can there be a free practice of this right if others will be allowed to desecrate images which are important to your religion. Such practice cannot be allowed by the government,in this case, the desecration even happened in a public building,funded by public funds.
bakit kasama si mideo cruz sa mga kinasuhan sa ombudsman? public official ba siya? o sa ibang korte siya inireklamo?
criminal case lang yung kay Mideo Cruz
bakit siya sa ombudsman? (o misleading lang talaga ang title? hahaha)