NAGLABAS ng pagkadismaya ang ilang Tomasino matapos ang anunsiyo ng Unibersidad na walang magaganap na UST Entrance Examination (USTET) at sa halip ay bubuksan ang aplikasyon para sa University of Santo Tomas Admission Rating (USTAR) para sa mga aplikante ng Taong Akademikong 2021-2022.
Ayon sa pahayag ng Office for Admission (OFAD), ang USTAR ay puntos na kukunin sa mga marka o academic performance ng aplikante. Magsisilbing itong pamantayan para makapasok sa Unibersidad, sa halip na isang mahabang pagsusulit.
Pinuna ito ng pangulo ng Central Student Council na si Robert Gonzales, na nagsabing maaaring hindi maging patas ang bagong sistema ng pagtanggap ng mga aplikante.
“[W]hile UST-OFAD’s decision to implement USTAR is not totally wrong, it poses a lot of threats and lack of fairness when it comes to the selection of students to be admitted,” ani Gonzales sa isang panayam sa Varsitarian.
Wika niya, magkakaiba ang sistema ng mga eskwelahan sa paggrado, na kailangang ikonsidera ng Unibersidad bago ipatupad ang USTAR.
Ikinabahala rin ni Frances Magallanes, isang freshman mula sa Conservatory of Music, ang pagpapatupad ng USTAR na sa tingin niya ay hindi makatarungan.
Mahihirapang makapasok ang mga estudyante na nag-aaral sa mga eskwelahan na mayroong hindi pang-karaniwan na kurikulum, aniya.
“Solely basing it on grades is really a disadvantage to many students. It will also be harder for those who are applying to a program that is not related to their strand because of the different specialized subjects,” wika Magallanes.
Idiniin niya na mayroong mga estudyante na umaasa sa USTET upang mabawi ang kakulangan sa kanilang mga grado.
“I personally didn’t have high grades during senior high school but I was able to pass the USTET. This is an example that some students are also relying on USTET to make up for their grades,” dagdag niya.
Pinuna din ng Tomasinong si Eden Joice, na nasa ika-12 na baitang, ang USTAR.
“[I] don’t think USTAR is the best alternative. Different schools produce different students, different teachers give different grades. Grades should not dictate the future of the students,” wika ni Joice sa isang panayam Varsitarian.
Wika ni Joice, marahil ito lamang ang nakikitang paraan ng Unibersidad upang tumanggap ng mga aplikante sa gitna ng pandemya.
“Given our situation, changing USTET to USTAR is the safest thing to do to accommodate many applicants and prevent things like cheating or internet/device problems, which may arise during an online test,” ani Joice.
Sinang-ayunan ito ng estudyanteng si Mark Geronimo na nasa ikatlong taon na sa kolehiyo. Ngunit hindi dapat tumigil ang Unibersidad sa paghahanap ng mas makatarungang alternatibo, aniya.
“[I] really do get the point na they’re prioritizing everyone’s safety and health first [But] they [should] consider more suggestions, ways or alternatives,” wika ni Geronimo sa isang panayam sa Varsitarian.
