Editor’s Note: This article was edited on Sept. 2 at 11:30 a.m. We apologize for the confusion and have provided the necessary clarifications.
SA GITNA ng pinangangambahang suspensiyon ng UST sa UAAP, nagpasya ang high school volleyball standout na si Ypril Jyrhine Tapia na maging bahagi ng Golden Tigresses.
“It’s always been a dream playing for UST,” wika ni Tapia sa panayam ng Varsitarian.
Kuwento ng 5’4” open hitter, nahatak siya ni assistant coach Yani Fernandez sa tune-up game laban sa Golden Tigresses noong Abril, taong 2019.
“I will do my best every game and also do well in academics,” ani ni Tapia.
Kinuha ng bagong Tigress ang kursong Bachelor of Physical Education sa UST.
Sa First City Providential College, Inc., San Jose del Monte City, Bulacan siya nagtapos ng high school.
Ilan sa mga pagkilalang natangap ni Tapia ang Rebisco Volleyball League Most Valuable Player (MVP), at North Luzon Girl’s Volleyball Tournament MVP at Best Outside Attacker.
Patuloy na kumukuha ang UST ng mga bagong manlalaro kahit nasa gitna ng imbestigasyong kinahaharap tungkol sa paglabag sa probisyon ng Inter-Agency Task Force sa naganap na Sorgon “bubble” ng men’s basketball team.
