INANUNSYO ng Unibersidad na walang magaganap na UST Entrance Examination (USTET) ngayong taon, ngunit tuloy pa rin ang aplikasyon para makapasok sa Taong Akademiko 2021-2022.
Ayon sa pahayag ng Office for Admission (OFAD), magkakaroon ng University of Santo Tomas Admission Rating (USTAR) ang mga aplikante sa halip na USTET para sa Taong Akademiko 2021-2022.
“The USTAR is a score that will be computed from a number of parameters derived largely from the academic performance and records of the applicant,” saad sa pahayag.
Wika nila, hindi maisasagawa ang USTET dahil sa iba’t ibang quarantine restrictions na ipinatutupad sa bansa.
“For the Academic Year 2021-2022, the University of Santo Tomas Entrance Examination will not be administered in consideration of the quarantine restrictions that are currently in effect in the country,” wika nila.
Tinanggal ng OFAD ang pahayag na ito sa kanilang website ilang minuto pagkatapos ito inilabas, ngunit tuloy pa rin ang USTAR ayon sa bagong pahayag.
