Tag: Vol. LXXVII

ALAM BA ninyong hindi lamang UST Singers ang nagdala ng karalangan sa Unibersidad sa larangan ng musika?

Itinatag ang UST Symphonic Band, na mas kilala noon bilang UST-ROTC Band, bago pa man sumiklab ang Ikalawang Digmaang Pandaigdig. Muli itong binigyan ng buhay pagkatapos ng digmaan ng isang nagngangalang Maestro Bautista ng Philippine Constabulary. Sa pamumuno ni Col. Jose Campana sa loob ng halos 20 taon, lalong nakilala ang banda at naging isa sa pinakamahusay na bandang pang-unibersidad sa buong Maynila. Sa pamumuno naman ni Prop. Romeo Verayo na pumalit kay Campana, tumanggap ang banda ng mga babaeng miyembro sa unang pagkakataon.