MAHALAGA ang religious freedom sa isang bansa at anomang paghihigpit dito ay maaaring gamitin ng mga tutol sa relihiyon sa pag-uusig sa mga mananampalataya, ayon sa mga eksperto.
“Restrictions imposed on religion by governments are the most significant causative factor related to religious violence in society,” wika ni Gary Doxey, associate director ng International Center for Law and Religion Studies ng Brigham Young University sa Amerika, sa ikatlong International Forum on Law and Religion sa University of the Philippines (UP) Bonifacio Global City noong ika-31 ng Hulyo.
Dagdag pa ni Doxey, malaking tulong ang pagsuporta ng isang gobyerno sa religious freedom hindi lamang para sa mga mamamayan nito kundi pati na rin sa pag-unlad ng bansa.
Binigyang-diin ni Michel Goffin, embahador ng Belgium, na hindi susi sa pag-unlad ng isang lipunan ang “absolute separation” sa pagitan ng estado at relihiyon.
“In every society, there should be a freedom in choosing religion. [R]eligion is a collective dimension. It’s a glue that puts together national identity,” wika ni Goffin.
Ayon naman kay Mark Vierstraete-Verlinde, isang counselor mula sa European Union Delegation to Indonesia and Brunei Darussalam, mayroon mang pagkakaiba sa relihiyon ang bawat bansa, hindi ito hadlang para pahalagahan ang karapatang pantao.
“Human rights are the shield for all individuals facing violence and discrimination. [H]uman rights have to be the same for all regardless of [faith] and skin color,” wika niya.
Wika ni Edmund Tayao, isang political analyst at dating propesor sa UST, hindi maaaring paghiwalayin ang usapin sa batas at relihiyon dahil walang lipunan ang yumayabong nang walang relihiyon.
“[Law and religion] are very much connected, no matter how you try to separate them,” wika ni Edmund Tayao sa isang panayam sa Varsitarian. “It is also traced in history that even if the Enlightenment [period] emphasized secularization or the separation of church and state, you really can’t detach one from the other.”
Dagdag pa niya, bahagi ng isang lipunan ang isang tao, at mahalagang parte ng pagkatao ng isang mamamayan ang relihiyon.
“Is Religious Freedom Still Considered a Fundamental Right?” ang tema ng nasabing forum na inorganisa ng UP Law Center, Brigham Young University at Philippine Center for Islam and Democracy.
