Tag: November 18, 2013

IGINIIT ng ilang dalubhasa, kasama ang isang Pambansang Alagad ng Sining sa Panitikan, na ang paggamit ng katutubong wika sa mga saliksik ang magpapaunlad sa akademiya sa bansa sa nakaraang ika-apat na edisyon ng “Hasaan.”

Ginanap noong Okt. 16-18 sa Alfredo M. Velayo-College of Accountancy Multipurpose Hall, ang Hasaan ay isang pambansang kumperensiyang may layong palaganapin ang paggamit ng Filipino bilang moda ng pagsulat at instruksiyon sa mga pamantasan.

Ayon kay Clarence Batan, propesor sa sosyolohiya sa UST at may-akda sa librong “Batong Bahay: Naratibo ng kahirapan at tagumpay ng isang pamilyang Pilipino,” ang kahalagahan ng paggamit ng lokal na wika hindi lamang sa lente ng sosyolohiya kundi pati na rin sa ibang larangan ng pananaliksik.

NGAYONG gabi’y muling ibabangon
Ang mga buhay na dagling nahimlay.
Handog ay kaunting dugtong sa mitsa
Ng paglalakbay na tinuldukan ng dusa

Sa ilang guho ng yaman na siyang naiwan:
Antigong simbahan at obrang larawan
Ng matamis na nakaraang pinagsamahan.
“Pumarito kayo, kahit sandali lamang
Nang sa inyo’y lubos na makapagpaalam.”

At sa paglamlam ng liwanag at pagdatal
Ng dilim, hindi lang paningin ang sasakupin.
Ngunit sa harap ninyo’y ito ang pangako:
Walang alaala ang mauupos,
Walang pag-asa na hahayaang mauubos.

BILANG isang respetadong pamantasan sa Filipinas, ang Unibersidad ay nagkaroon dati ng pribilehiyo na makapagpadala ng mga Tomasino para makapag-aral nang libre sa ibang bansa.

Ayon sa isang isyu ng Varsitarian noong 1934, nakatanggap ng sulat mula sa gobyerno ng Espanya si Padre Juan Labrador, O.P., dating secretary general ng UST, na nag-aanyaya sa mga Tomasino at mag-aaral ng Unibersidad ng Pilipinas na maging “pensyonado,” o mga mag-aaral na libreng makapag-aaral sa mga kilalang unibersidad sa Espanya.

Layon ng programang ito na panatilihin ang matibay na relasyon ng Filipinas at ng Espanya.