SIYAM na Tomasinong mananaliksik at dalawang bisitang siyentipiko ang naglahad ng kanilang pag-aaral sa UST and Philippine-American Academy of Science and Engineering Symposium noong Hunyo 22 sa Thomas Aquinas Research Complex Auditorium.
Ayon sa pag-aaral na pinamagatang “Vitamin A, Carotenes and Health” ni Dr. Judy Ribaya-Mercado ng Research Center on Aging ng Tufts University sa Boston, USA, itinatayang 140 milyong bata at pitong milyong buntis ang kulang sa bitamina A base sa stable-isotope-dilution, isang paraan sa pagtukoy sa dami ng bitamina A sa isang organismo.
Samantala, ipinakita ni Dr. Mafel Ysrael ng Faculty of Pharmacy sa kanyang papel na “Anti-inflammatory Activity of Some Philippine Plants,” ang mga halaman at compounds na maaaring makagamot sa komplikadong pamamaga.
Ang iba pang mga pananaliksik na nailahad sa symposium ay “Antioxidant Studies on Philippine Plants” ni Dr. Erlinda Espeso-Dilan; “Biosensor Design for Point-of-Care Diagnostics” ni Dr. Leah Tolosa; “House Dust Mites Allergy: The Philippine Scenario” ni Dr. John Donnie Ramos; “Antibody Engineering” ni Dr. Ecuardo Padlan; “Philippine Pitcher Plants” ni Prof. Rosie Madulid; “Soy and Kidney Disease” ni Dr. Manny Velasquez; “Glycomics and Proteomics for Disease Marker Discovery” ni Dr. Carlito Liberilla; “Angiogenic Activity of Some Philippine Plants” ni Dr. Gloria Bernas; at “Dopamine Receptors as Antioxidants” ni Dr. Pedro Jose.
Itinaguyod ang symposium ng Research Center for the Natural Sciences at College of Science. Laurence John R. Morales
