29 August 2015, 01:02p.m. – KABILANG ang The Varsitarian sa
mga pahayagang pang-unibersidad na lumahok sa diskusyon tungkol sa kalagayan at
kinabukasan ng print media sa panahon ng modernong
teknolohiya, na bahagi ng unang araw ng Philippine Literary Festival noong
ika-28 ng Agosto sa Makati.
Isa si Arianne Merez, katuwang na patnugot ng Varsitarian,
sa mga estudyanteng mamamahayag mula sa iba’t ibang unibersidad na nakiisa sa
diskursong pinamagatang “Paper Towns: A Discussion of Student Papers on How
the Young Keep Broadsheets Fresh and Relevant in the Age of Social Media.”
“For print, since you can’t really produce a paper
in two days, you need to [produce] more special reports, so that it is not
time-bound,” ani Merez.
Kasama rin sa mga lumahok ang punong patnugot ng The
Bedan ng San Beda College of Arts and Sciences, na si Emille Rapiente.
Binigyang-diin ni Rapiente na hindi tuluyang maglalaho ang print media, bagkus
ay mag-iiba lamang ito ng anyo. “Print does not have to be dead; it just has
to collaborate. Just like many things these days, there will always be
print.”
Binigyang-pansin naman ni Katsy Garcia, punong patnugot ng The
Benildean ng De La Salle-College of Saint Benilde, ang pagkakaiba ng
print at digital. Ani Garcia, “Print is for content that is more analytical.
Digital is fast. Digital is hard news. It’s there one day and gone the next.”
“We don’t think [the other] one is better[;] it depends
on what you want to relay to your audience through each format,” aniya.
Ayon naman kay Marinel Mamac, punong patnugot ng The
LaSallian mula sa De La Salle University, magkaiba ang print at
digital media. “They are both very different things. The challenge with
print is how to keep a fresh and creative publication. And for digital [media]
the challenge is keeping up with it.”
Ang nasabing diskusyon ay pinasinayan ng publikasyong Young
Star para sa Philippine Literary Festival ngayong taon. Zenmond
G. Duque II at Cedric Allen Sta. Cruz
