Tag: Vol. LXXVII

IN MANY an interview I have had with Thomasian student-athletes, I always ask them what separates their team from the competition. They always come up with one answer: Tiger spirit.

And that answer has been given more frequently over the years. (The most recent respondent is a cheerdancer.) While its reccurrence have always brought about laughter among the sports writers, it also brought out a Sherlock Holmes sense in me to try and define it.

***

MATAPOS mabigo sa unang araw ng torneo, bumawi ang ang UST Senior Volleyball teams matapos magtala ng kani-kanilang panalo sa UAAP Season 68 Volleyball tournament.

Pinatunayan ng Tiger Spikers, na may 3-1 na kartada, ang kanilang dominasyon sa net nang patumbahin nila ang Adamson University (AdU) Falcons, 25-22, 25-21, 25-15, noong Hulyo 31 sa University of the Philippines (UP) Human Kinetics Gym.

Nagtulungan sina Carlo Lubi, Jake Lagar, at Reny John Balse sa kabuuan ng laro upang makamit ang straight-set na tagumpay.

PATULOY pa ring hinahanap ng UST Tigresses ang pormula ng panalo matapos matalo sa unang dalawang laban nito sa UAAP Season 68.

Matapos yumuko sa De La Salle University (DLSU) sa una nilang pagkikita noong Hulyo 17, hindi nagbago ang kapalaran ng mga bata ni Elizabeth Tan sa kanilang pagtutuos sa University of the Philippines, 49-63, noong Hulyo 31 sa Adamson Gym.

“Sinubukan naman ng mga bata ko, maaga lang kasi nagka-foul trouble at na-injure ‘yung key player namin kaya nahirapan kami,” ani Tan.

BAGAMAT natamo na ang mailap na tagumpay, malabo pa rin ang pag-asa ng Growling Tigers, na may 1-5 kartada, sa Final Four ng UAAP Season 68.

Matapos ang limang sunud-sunod na pagkatalo, nalusutan ng UST ang National University (NU) Bulldogs, 107-100, sa isang overtime noong Hulyo 31 sa Araneta Coliseum.

Ayon kay head coach Nel Parado, bata pa talaga ang koponan “kaya wala dapat masyadong asahan.” Ngunit masaya siya na nakamit na ang panalong kanilang hinihintay.

MATAPOS mapahiya nang makuha ng Ateneo de Manila University (AdMU) ang kampeonato ng Judo sa UAAP, pinatumba ng Tiger Judokas ang oposisyon sa ika-18 Polytechnic University of the Philippines (PUP) Invitational Open Belt Tournament noong Hulyo 10 sa PUP Gym.

Bagito man ang karamihan sa kanila, pinatunayan ng Judokas na kaya nilang magwagi laban sa mga beteranong koponan.

NABIGO ang UST Golden Booters sa kanilang unang laro laban sa College of Saint Benilde (CSB) Blazers, 0-1, sa ikatlong edisyon ng Ang Liga Tournament noong Hulyo 24 sa UST Field.

Tanging ang forward na si Michael Navarro ng CSB ang naka-iskor sa 43rd minuto ng ikalawang half.

Nagkaroon ang Golden Booters ng pagkakataong makabawi sa mga huling minuto ng laban, ngunit napigil ni CSB goalkeeper Sofronio Llavares ang dalawang free kick ng UST mula sa mga handball violations.

“We came up short on the finishing side,” ani head coach Nonoy Carpio.

BAGO PA man sumabak sa darating na UAAP, nagkamit agad ng paunang parangal ang Tiger Sharks sa ikatlong taon ng PASIKLABAN 2005 noong Hulyo 16-17 sa Rizal Memorial Coliseum (RMC).

DALAWANG mundo ang ginagalawan at inaasahang pagtatagumpayan ng isang estudyanteng atleta: ang mundo ng kompetisyon sa kaniyang larangan at ang mundo sa loob ng silid-aralan.

Tahanan para sa higit 400 estudyanteng manlalaro ang Unibersidad. Inaasahan mula sa kanila ang parehong pagsisiskap sa silid-aralan at husay sa paglalaro upang makapagbigay karangalan sa Unibersidad.

BUMANGON ang UST Tiger Cubs sa balon ng kasawian matapos nitong bumawi sa apat na sunudsunod na pagkatalo sa pagdurog sa National University Bullpups, 82-61, nuong Hulyo 31 sa Araneta Coliseum. Bitbit ngayon ng Tiger Cubs ang isang 2-4 win-loss card.

Pinangunahan ni Tiger Cub guard Patrick Pulido ang atake ng UST sa huling kanto nang magpasiklab siya ng sunudsunod na ratsada at magkalat ng siyam na puntos. Hindi na nakapalag ang NU sa matinik na depensa ng Tiger Cubs nang magawa lamang nitong magpasingaw ng 14 puntos laban sa 21 ng UST.

PINILI ni Jervy Cruz, isang manlalaro ng UST Growling Tigers Team B, na ipagpaliban ang pagsali sa “Basketball Without Borders Asia” na ginanap noong Hulyo 14-17 sa Beijing, China upang ituon ang sarili sa pag-aaral.

“Pinili na lang niya na huwag sumama kasi apat na araw din siyang liliban kung sakali,” ani coach Nel Parado.

“Nanghinayang ako sa pagkakataon kasi para sa akin talaga iyon,” sabi ni Cruz.