Mga mag-aaral na nars lamang kayo:
sumusunod sa utos ng clinical instructor,
nakikinig sa diskurso ng duktor,
kumakapit sa sidhi ng pangangailangan.
Mga mag-aaral na nars lamang kayo:
mababaw ang gunita,
manipis ang mithi,
bagaman hibla ng guni-guniy pambihira.
Habilin at utos ng iba ang nagpapakilos,
Bakit sariliy di pagkaitan ng haplos?
Mga mag-aaral na nars lamang kayo:
nakagapos ang puso’t malambot na buto,
namamanatang walang sinta,
nangangapa sa bulsa.
Bakit manhid sa anyaya ng dusa?
Mga mag-aarala na nars lamang kayo:
banyaga sa sarilit bansa,
magkaiba ang pagkilala
sa kabayan at dayuhan.
Mag-aarala na nars lamang kayo:
Hindi pa tunay.
