IPINAUBAYA na ang lahat
sa kaniya. At hawak niya
sa kanang kamay
ang mga papalarin
na maisalba
ang kanilang mga pera
na ipinampusta
sa tupada.
Marami ang kaniyang tinawag
ngunit iilan lamang ang tumugon
at papalaring manalo.
*Mula sa koleksiyong “Hanapbuhay” na nagwagi ng unang gantimpala para sa Tula sa Gawad Ustetika Taunang Parangal Pampanitikan noong 2009. Si Castillo ay dalawang beses nang hinirang na Makata ng Taon noong 2007 at 2009.
