Sunday, July 21, 2024

Tag: Setyembre 7, 2007

Crisis Management Team binuo

TILA paghamon kaagad para sa kabubuo pa lamang na Crisis Management Team ng Unibersidad ang sunog na naganap sa Kolehiyo ng Edukasyon noong Agosto 28.

“Dahil sa sunog, nalaman natin kung saan tayo malakas at kung ano ang dapat nating ipagpasalamat, at kung ano yung mga kailangan pa nating pagtibayin,” ani P. Clarence Marquez, O.P., ang tagapangulo ng crisis team.

Ayon sa imbestigasyon na pinangunahan ng crisis team, nagsimula ang apoy sa isang air-conditioning unit ng silid ng mga samahan ng mga mag-aaral sa Kolehiyo ng Edukasyon.

Puno ng mga Dominiko bumisita sa UST

NASA BANSA ang tinaguriang “Dominican pope,” si P. Carlos Azpiroz Costa, O.P., para sa isang visitation upang kausapin ang kanyang mga kapatid tungkol sa kalagayan ng Ordeng Dominiko sa Pilipinas.

Dumating si Azpiroz sa bansa noong Agosto 26 at mananatili hanggang Setyembre 24. Maglilibot ang Argentinong Dominiko sa iba’t-ibang dako ng Pilipinas, bahagi ng kanyang tungkulin bilang pinuno ng Orden sa buong mundo.

Nauna na niyang kausapin ang mga pari sa Bahay Dominiko at sa Santo Domingo sa Lungsod Quezon.

Medicine topnotcher isang Tomasino

MAAARING hawak sana ng UST ang unang puwesto sa nakaraang Physician licensure exams kung hindi umalis ng Unibersidad si Ma. Christina Jovida, ang topnotcher sa nasabing pagsusulit, upang ipagpatuloy ang kursong medisina sa Our Lady of Fatima University sa Valenzuela.

Subalit nagkamit ng 91 porsyentong passing rate ang Unibersidad dahil 298 mula sa kabuuang 327 examinees mula sa UST ang pumasa. Ito ay lubos na mas mataas kumpara sa 84 porsyentong naitala noong Agosto 2006.

‘Manatiling matatag, mapagkumbaba’ – Rektor

PUNO NG papuri at pangakong pagbabago para sa mas pinag-ibayong kalidad ng edukasyon ang naging pahayag ni P. Ernesto Arceo, O.P. sa kanyang unang ulat bilang rektor ng UST noong Agosto 7 sa Medicine Auditorium.

Ibinalita ni Arceo sa kanyang 2006-2007 State of the University Lecture ang naging magandang kinalabasan ng Unibersidad sa iba’t ibang mga licensure examinations at ang pagtaas ng bilang ng mga propesor na mayroong doctorate at masteral degrees sa taong ito.

UST Nursing namayagpag

NAGTALA ng 98 porsyentong passing rate ang UST sa Nursing licensure exams noong Hunyo, upang tuluyang ibaon sa limot ang mababang 83 porsyentong nakamit nito noong isang taon sa kontrobersiyal na pagsusulit.
Samantala, nakuha ng mga Tomasino ang pang-apat, -lima, -anim, -pito, -walo, at -siyam na pwesto sa Top 10.
Napakadramatiko ng resultang pinakita ng UST sa eksamen, kung saan halos 600 na Tomasino ang kumuha, kasama ang mga naunang kumuha noong isang taon na nagdesisyong dumaan muli sa pagsusulit upang alisin ng bahid ng maanomamalyang eksamen noong 2006.

LATEST