IPINAGPALIBAN muna niya
Ang pagsipat sa pagtatalik ng silahis sa dilim
Bago mag-ala singko
Kailangang marating ang España
Kundi baka walang masakyang FX
Baka abutin pa ng hatinggabi kahihintay
Nakipagbunuan sa mga estudyante sa Morayta
Pinasok ang lagusan papuntang Quiapo
Bumalik na lang muli sa España
Saka nakakita ng FX na may bakante
Hinawi niya ang unang dapat sasakay
Nang nakaupo na’t napadungaw sa bintana
Naakit siya sa alindog ng dagitab
Naibunyag ang ikinukubling kariktan ng Maynila.
