INAANTABAYANAN ng lahat
ang iyong pagdaan,
sabik na makita ang napiling paraluman
na siyang hinirang na tukod ng bayan
Makukulay, matitingkad,
nagniningning na pananamit
Mga samu’t saring pailaw
Nagpapasigla sa tarundon
Magagarbo’t magaganyak ng mga arko
mga palamuting iba’t ibang hugis at anyo
nagpapasigla ng bawat sandali
Bagaman ang tibok ng puso’y mabilis,
Mga paa’t kamay namamawis,
Nanalalambot,
Nanghinina,
Nanginginig
Taas-noo pa rin ang paglalakad
suot ang makinang na damit—
hinahangaan, pinaninibughuan.
Sa kabila ng yumi at kariktan
walang nakababatid
sa mapait na lihim
ng iyong nakaraan.
Kimberly Joy V. Naparan