IPINALIWANAG ng Miguel de Benavides Library nitong Biyernes na patuloy ang serbisyo nito para sa mga guro at estudyante sa gitna ng pandemya sa pamamaraang online.
Dagdag pa nito, mayroong online journals, databases at e-books na maaaring gamitin ng mga Tomasino.
Binawasan ng kalahati ang library fee para sa unang termino ng Academic Year 2020 to 2021. Ito ay nagkakahalagang P1,104 hanggang P1,275 depende sa kolehiyo.
“This reduction may affect the maintenance of all our electronic resources, though we have been assured by the University authorities that we will receive the assistance needed,” wika ng aklatan.
Giit pa nito, simula noong quarantine sa bansa noong Marso, hindi pinatigil ang library accounts at ginawang 24/7 ang electronic resources.
“At this time of global health crisis brought by the COVID-19 pandemic, [UST Library] has never stopped providing services virtually to reach more library users as presential services were suspended in the University to contain the spread of the virus,” wika ng aklatan.
“R]est assured that all fees the library collects from its students are returned to them by providing flexible services to give access to these significant resources even at these uncertain times,” dagdag pa nito.
