Tag: Agosto 30, 2002

BILANG pagpapatunay sa pangarap ng Unibersidad na magkaroon ng malinis at maayos na kapaligiran, pinasinayanan ng UST ang Sewage Treatment Plant nito noong Agosto 15 na dinaluhan ng mga kinatawan mula sa pamahalaan ng Maynila, Metro Manila Development Authority (MMDA), at Laguna Lake Development Authority (LLDA). Ginagamit na simula pa noong Hunyo ang UST Sewage Treatment Plant.

Ginawa ang Sewege Treatment Plant upang magamit muli ang maruming tubig mula sa UST Hospital at sa iba’t ibang gusali ng Unibersidad para sa paglilinis at pagdidilig ng mga halaman.

Noong Agosto 1, ibinalik ni John Carlo Camagay, isang estudyante ng Medical Technology na nasa ikatlong taon, ang isang pitakang naglalaman ng P500 at iba pang mga mahahalagang bagay. Natagpuan ni Camagay ang pitaka sa CDR King, isang CD store malapit sa V. Concepcion St.

Nang binuksan ni Camagay ang pitaka, nakita niya ang school ID ng may-ari kaya agad siyang nagtungo sa AB Faculty of Arts and Letters Dean’s office upang ibigay ang pitaka. Iniwan din niya ang kanyang cellphone number kung sakaling kailanganin pa siya.

BALAK palitan ng bagong-talagang Dekano ng College of Fine Arts and Design (CFAD) ang kasalukuyang kurikulum ng Kolehiyo upang maging mas “globally competitive” ang kanilang mga estudyante.

Ayon kay Prop. Jaime de los Santos, luma na ang kasalukuyang kurikulum na ginawa pa humigit kumulang 20 na taon at makangilang ulit na ring nirebisa.

“The (current) curriculum is outdated because it does not answer the anticipated needs (of Fine Arts) in the coming decades,” wika ni de los Santos.

HINIKAYAT ni dating Bulacan Gob. Roberto “Obet” Pagdanganan ang mga guro ng UST na sumali sa kooperatiba ng UST Faculty Union (USTFU) sa ginanap na USTFU general assembly (GA) sa Medicine Auditorium noong Hulyo 31.

Ayon kay Pagdanganan, mas matutuunan ng pansin nito ang kanilang pangangailangan.

PATULOY na makararanas ang Unibersidad ng pagbaha tuwing tag-ulan kung wala pa ring agarang aksyon ang lokal na pamahalaan ng Maynila, ayon kay UST Buildings and Ground sassistant superintendent Antonio Espejo.

Nauna nang ipinahayag ng lokal na pamahalaan na ang problema sa pagbaha ay sanhi ng mababang lugar na kinatatayuan ng Unibersidad. Nakadaragdag din ang mga squatters na naninirahan sa lugar ng España-Sampaloc sa problema dahilan sa mga itinatapon nilang basura sa mga estero na nagiging sanhi ng pagbara ng mga ito.

SA WAKAS, makikita na ng mga estudyante ang benepisyo ng bagong digital ID. Sinimulan na ang operasyon nito sa Main Building noong Agosto 20.

Ayon kay P. Winston Cabading O.P., direktor ng Computer Center, kahit medyo nahuli ang implementation ng naturang sistema ay sulit na sulit naman ito dahil sa seguridad na ibibigay nito sa Unibersidad. Isusunod na rin ang paglalagay nila ng mga scanners sa iba’t ibang gusali idinagdag pa niya.

“IN OTHER universities, they say: ‘You are just students.’ Here, ‘You are our students’ and we love you because you are part of the Thomasian community.”

Ito ang sinabi ni Rektor P. Tamerlane Lana, O.P. sa kanyang Rector’s end-of-term report (1998-2002) sa mga estudyante, noong Agosto 7, sa Thomas Aquinas Research Complex seminar rooms.

Ang end-of-term report ay ang detalyadong bersiyon ng mga sinabi ni P. Lana sa kanyang reinstallation noong Hunyo 26 sa UST chapel.

NOONG nag-aaral pa ako sa hayskul, naging kaugalian naming magkakaibigan na matapos ang mga klase, magpaiwan sa eskuwela hanggang gabi o kaya ay pumunta sa bahay ng isa sa amin, upang mag-usap tungkol sa kung anu-anong bagay. Sa mga pagkakataong iyon namin inaayos ang mga galit o away na maaaring namagitan sa ilan sa amin, o pinaplano kaya ang mga magiging buhay namin pagtuntong ng kolehiyo—kahit ano ang maisipan naming pag-usapan.

Lusaw ang kalangitan sa hindi pa makabuhos-buhos na ulan. Tila may inaantay pa ito bago unti-unting pumiglas sa ulap na kinalalagyan.

Nakasilip si Gemma sa loob ng kuwarto kung saan nagpipinta ang asawa sa halos blanko pang kambas. Nakadungaw ang pintor sa bintana, kung saan nakasilip mula sa labas ang nanunuyo’t payat na tangkay ng puno ng makopa.

“Minsan, sa kakahanap ng tao sa pilak, hindi niya napapansin ang gintong nasa kanyang harapan” - Salawikaing Filipino

BAKIT hindi makuntento ang tao sa mga bagay na mayroon siya?

Ito ang tanong ko sa sarili. Mula pagkabata, pilit ko itong hinahanapan ng sagot, ngunit naging mailap sa akin ang sagot.