Tag: Agosto 26, 2011

SA KABILA ng paglapag ng UST sa ika-104 na puwesto sa ginawa ng Quacquarelli Symonds (QS) na talaan ng mga pamantasan sa Asya, hindi nakakuha ng mataas na ranggo ang Unibersidad sa ilang partikular na mga larangan.

Kamakailan lamang niranggo ng QS ang iba’t-ibang unibersidad para sa pagtuturo ng Ingles, ang kauna-unahan ng institusyon, at ng Cybermetrics para sa Internet presence.

Sa larangan ng Ingles, pasok sa Top 50 ang Unibersidad ng Pilipinas (UP) sa ika-34 na puwesto, at ang Ateneo de Manila University sa ika-35 na puwesto.

Samantala, pasok ang De La Salle University sa 51-100 na bracket habang ang UST naman ay sa 101-150 na bracket. Hindi na binigyan ng tiyak na posisyon ang mga unibersidad sa labas ng Top 50.

WALA talagang presyo ang pagmamahal.

Hindi mga siyentipikong nakasuot ng laboratory gown ang kasalukuyang nangangalaga sa pinakamalaking mangrove site ng Batangas, ang Tubugan Research Post ng UST.

“Kahit na tatlong taon na ding walang pondo mula sa UST, nagkusa na ako at ang barangay na alagaan ito,” ani Danilo Balbaera, dating kagawad ng Barangay Imelda, San Juan.

Dagdag pa niya, wala ring nakukuhang pondo ang kanilang barangay mula sa lokal na pamahalaan kahit na nangako ang Department of Environment and Natural Resources na pangangalagaan daw nila ang naturang mangrove site.

MATALINO man ang matsing, ang tao’y mas matalino pa rin.

Dahil sa mga ebidensiyang nagpapatunay sa kanilang pagkakahalintulad, ilang mga dalubhasa ang nangangarap ng biglaang ebolusyon ng mga unggoy sa aspeto ng katalinuhan.

Sa pelikulang “Rise of the Planet of the Apes,” tinalakay ang pagbangon ng mga matsing bilang makabagong naghaharing-uri sa daigdig.

Ang istorya ay nagsimula sa isang siyentipikong nakaimbento ng lunas para sa Alzheimer’s disease, isang sakit na nagdudulot ng malubhang pagkawala ng intelektwal na kakayahan ng tao, gaya ng alaala.

KUNG hika ang ‘yong problema at nais mong mapabuti ang iyong paghinga, subukan mo ang Buteyko breathing method.

Ito ay isang ehersisyo sa paghinga upang makontrol ang hika at ibang pang mga chronic diseases gaya ng migraine, high blood pressure, bronchitis, at allergies nang hindi gumagamit ng gamot o anumang uri ng medikasyon.

“Ang kahalagahan ng ‘Buteyko method’ ay ang malaking tulong nito sa sakit sa baga at mga karamdaman sa paghinga,” ani Jac Vigden, isang eksperto sa pagtuturo ng Buteyko breathing method sa mga may hika.

HINDI hadlang ang edad para gawin ang kinalakihan at naibigang responsibilidad sa bayan, ang pamamahayag.

Sa mahigit 30 taon bilang associate editor ng Manila Bulletin, nasaksihan na ni Ramon Francisco ang mabilis na pag-usad ng panahon sa saliw ng mga pangyayaring humulma hindi lamang sa bansa kundi pati na rin sa buong mundo.

At kahit na siya’y 63 taong gulang na, patuloy pa rin ang beteranong peryodista sa paghahatid ng mga makabuluhang balita sa mga Pilipino.

Tomasinong mamamahayag at guro

Nagtapos si Francisco sa UST ng Bachelor of Literature major in Journalism noong 1967 at pinarangalang summa cum laude.

KASABAY ng mabilis na pag-usbong ng modernong teknolohiya ay ang paglabas din ng mga bagong imbensyon na nagpapadali sa pang-araw-araw na buhay ng mga tao.

Isa sa mga ito ay ang paglaganap ng teknolohiyang digital gaya ng Internet.

Dahil sa lawak ng sakop nito, nagsisilbi ang internet bilang isang malawak na susian ng impormasyong hindi lamang sa pang-akademiko, ngunit pati na rin sa pangkalahatang kaalaman sa iba’t ibang paksa.

Bagaman maituturing ito bilang isang midyum na apektado ng globalisasyon, hindi nagkukulang ang internet sa pagpapalaganap ng pambansang pagkakakilanlan ng tao, anumang lahi o nasyonalidad.

MADRID, Espanya—Humigit- kumulang tatlong libong Pilipino mula sa iba’t ibang parokya, diyosesis, at paaralan sa Pilipinas at maging sa iba’t ibang dako ng mundo ang nagtungo sa lungsod na ito upang makiisa sa pagdiriwang ng ika-26 na World Youth Day (WYD) na naganap nitong buwan.

Ayon sa mga nag-organisa ng WYD dito sa lungsod na ito, 2, 000 Pilipinong kabataan, pari, madre at mga layko ang lumahok sa WYD na galing sa Pilipinas at may isang libong overseas Filipino workers (OFW), layko at paring misyonero naman ang nakiisa kasama sa delegasyon ng ibang bansa.

PINASINUNGALINGAN ng dekano ng Faculty of Sacred Theology ang naging pahayag ni Senador Miriam Defensor-Santiago sa kaniyang talumpati noong Agosto 1, kung saan nangaral ang senadora tungkol sa konsensiya kasabay ng kaniyang pagsusulong sa Reproductive Health (RH) bill.

Ayon kay P. Rodel Aligan, ang talumpati ni Santiago na pinamagatang “The Reproductive Health Act, Part 1: Primacy of Conscience in Catholic Theology” ay “nagtataglay lamang ng kaunting kaalaman” at mapahamak para sa nakarinig.

Ani Santiago, ang tao ay dapat makinig sa kanilang konsensiya kung alam nilang tama ito kahit taliwas ito sa turo ng kanilang relihiyon.

ANG MGA kontribusyon ni National Artist for Visual Arts Victorio C. Edades sa mundo ng sining ay binigyang pugay nang inilunsad ng kaniyang mga dating estudyante at kasamahan sa UST ang Edades Projects.

Ang proyektong ito ay isang pagbalik-tanaw sa makulay na buhay ng maestro at pagkilala sa kaniya bilang “Ama ng Modernong Sining sa Pilipinas.”

Bilang patikim ng Edades Projects, isang eksibisyong pinamagatang Afternoon Tea at Edades’ Garden ang inilunsad sa kaniyang dating tahanan sa San Juan noong Hulyo 29.

Kilala din si Edades sa pagtatag niya ng College of Architecture and Fine Arts (CAFA) noong 1935 na ngayo’y tinatawag nang College of Fine Arts and Design (CFAD).

ANG ILAN, kung hindi karamihan, sa pinagmamasdang sining na koleksiyon ng Bangko Sentral ng Pilipinas, ay gawa ng mga Tomasino.

Nito lamang ikalima ng Agosto, binuksan para sa mata ng publiko ang “UST sa BSP,” isang eksibit kung saan ipinapakita ang mga likhang-sining ng ilang artisan na hinubog ng nasabing Unibersidad.

Noon pa man ay namimili na ang BSP ng mga piyesa na siyang mapabibilang sa kanilang prestihiyoso at mayaman na koleksiyon.

Tulad ng “Nangka” ni Manuel Rodriguez Jr., “Pagbalik” ni Tam Austria noong 1982 at “Salakob” (1976) ni Roger San Miguel na nagpapaalala ng mga bagay-bagay at kaugalian na siyang may tatak Pinoy.