Tag: Agosto 31, 2004

• SAAN nga ba patungo ang wikang Filipino?

Tinalakay sa “Kahalagahan ng Wikang Filipino: Isang Kamustahan” noong Agosto 11 sa Rizal Auditorium, ang estado ng Wikang Filpino sa kasalukuyan. Ayon kay Prop. Reynaldo Candido ng Faculty of Arts and Letters (Artlets), kusa nang umuunlad ang pambansang wika dahil tumataas ang antas ng paggamit nito.

“Huwag problemahin ang wikang Filipino dahil umaayon ngayon ang wika sa gusto ng nakakarami,” ayon kay Candido. “Hindi lang natin napapansin, umuunlad na ito.”

BUBUWAGIN na umano ng Commission on Higher Education (Ched) ang tulong pampinansyal na binibigay nito sa mga Centers of Excellence (COE) at Centers of Development (COD) sa buong bansa sa susunod na taon,

Sa halip ng dating P3 milyong natatanggap ng mga COE at P1 milyon ng mga COD bawat taon, maari na lamang humingi ng pondo, case-to-case basis, ayon sa Ched memorandum order bilang 20.

Ayon sa dokumento, limitado ang nakalaang pondo kaya kinakailangang magbago ng mga prioridad ang Ched.

MULI NA namang namayagpag ang Unibersidad nang makamit ang first runner-up ng lupon ng mga mag-aaral mula sa College of Commerce (Commerce) at College of Fine Arts and Design sa National Marketing Strategic Competition noong Hulyo 24 sa plenary hall ng Philippine International Convention Center (PICC) sa Pasay.

MATAPOS makamit muli ang Level 2 accreditation mula sa Philippine Association of Colleges and University Commission on Accreditation (PACU-COA) ang pitong programa ng UST-Graduate School (GS) noong Hulyo, naghahanda na agad ito para maunahan ang ibang pribadong postgraduate schools na maabot ang Level 3 sa 2005.

Ayon kay Dr. Lilian Sison, dekana ng GS, ginagawang basehan ang accreditation ng mga programa upang mapanatili ng isang kolehiyo ang awtonomiya nito sa Commission of Higher Education (CHED).

“LET US not merely walk, not merely run, but soar.”

Ito ang mga salitang iniwan ni Rektor P. Tamerlane Lana, O.P., upang idiin ang tungkulin ng Unibersidad sa pagbuo ng Thomasian ideals sa kanyang taunang ulat noong Agosto 7 sa Medicine Auditorium.

“The University has an urgent call to take its task of seriously forming the young people with Gospel values so that they (can uplift) our country that is impoverished by corruption, ignorance, and moral degeneration,” ani P. Lana.

HINIRANG ang isang guro ng Filipino sa Faculty of Arts and Letters (Artlets) bilang bagong kasapi ng UST Center for Creative Writing and Studies (CCWS) noong Agosto 2 upang mapunan ang kakulangan ng mga manunulat sa Filipino.

Makakasama ni Prop. Eros Atalia ang mga junior associates ng CCWS na sina Carlos Luz, Nerisa Guevara, Ramil Gulle, Lourd de Veyra, at Jose Victor Torres.

Napansin umano ni Dr. Ophelia Dimalanta, direktor ng CCWS, ang kanyang mga napanalunang mga premyo sa tula at sanaysay kaya inatasan siyang maging associate.

NADAGDAGAN na naman ang karangalan ng Conservatory of Music (Music) nang manalo ang dekano nito ng “Best Instrumentalist” sa ika-17 na ALIW Awards noong Agosto 6 sa Philippine Plaza Hotel.

Napili ang premyadong classical pianist Dekano Raul Sunico sa tatlo pang nominadong tanyag na mga musikerong sina Jong Cuenco (flutist), John Lesaca (violinist), at isa pang Tomasinong si Mario Tolentino (saxophonist), kasalukuyang propesor ng Saxophone sa Music.

BUMANDERA muli ang Unibersidad sa Physical Therapy (PT) at Occupational Therapy (OT) licensure exams na ginanap nitong buwan. Nanguna ang UST sa dalawang pagsusulit matapos makatamo ng 95 porsiyento at 100 porsiyento, sa mga naturang eksaminasyon.

AGAD na naagapan ng mga security force at bumbero ang sunog sa laboratoryong ginagamit ng Faculty of Pharmacy sa Botanical Garden noong Agosto 25.

Ayon sa Security Affairs Office, 12:30 ng madaling araw nang napansin ng mga guwardyang rumoronda ang usok na lumalabas sa gusali kaya agad nila itong pinasok.

“Nakita namin ‘yung usok sa may garahe (ng mga pari). Sa amoy pa lang, alam na naming may sunog,” ani Joel Gomez, isa sa mga guwardyang nakatuklas sa apoy.

ISANG Tomasino ang muling inatasan ni Pangulong Macapagal-Arroyo upang maging bagong hepe ng media relations sa Malacañang.

Pinalitan ni Isabel De Leon, A.B. Journalism alumna at dating news writer ng Varsitarian, si Carmen “Ching” Suva, isa ring Tomasino, na muling babalik sa pagsusulat sa Manila Bulletin bilang senior reporter matapos siyang magretiro noong Hulyo.

Pawang nagpalit lamang ang dalawa ng posisyon dahil isa ring senior writer si De Leon sa nasabing pahayagan.