Tag: Agosto 31, 2010

ISA SA mga pagpapatunay ng kalayaan sa isang bansa ang karapatan ng mga mamamayan na mamili at maghalal ng kanilang mga pinuno. Dahil sa pagboto nakasalalay ang pagsulong ng bayan, kung saan maigting na binabantayan ng mga mamamayan ang kanilang karapatan.

Sa Pilipinas diumano, kung saan diumano talamak ang pandaraya sa halalan at korupsyon sa pamahalaan, may mga organisasyong naninigurong magiging mapayapa at patas ang bawa’t eleksyon. Isa na rito ang Parish Pastoral Council for Responsible Voting (PPCRV), ang tanging kinikilalang katuwang ng Commission on Elections (COMELEC) sa adhikaing ito.

Sa samahang ito natagpuan ng Tomasinong doktor na si Ricardo Ledesma ang panibagong paraan ng paglilingkod sa iba, bukod sa paggamot ng mga may sakit.

TILA isang lumang bahay lamang kung papansinin ang gusaling nakatayo sa kanto ng Taft at Escobal sa Maynila. Ngunit sa kabila ng makalumang imahe nito, nagbibigay ito ng panibagong pag-asa sa mga kabataang nakaranas ng malupit na kahapon.

Sa loob ng dalawampu’t isang taon, nagbibigay serbisyo sa mga batang lansangan ang Pangarap Foundation. Sa pamamagitan ng kanilang kanlungan, binibigyan nila ng libreng pagkain, edukasyon, at matutuluyan ang mga batang nakaranas ng mga pang-aabuso, adiksyon, at pag-abandona mula sa kani-kanilang mga pamilya.

ANG KAWALAN ng paniniwala ng mga tao sa paligid nina Lucia, Francisco at Jacinta ay hindi sapat para mawalan siya ng pananampalataya.

Ang The 13th Day, isang pelikulang gawa ng mga tanyag na direktor na sina Ian at Dominic Higgins, ay hango sa tunay na pagsasalaysay ng kuwento ng tatlong bata, si Lucia Dos Santos at ang mga pinsan niyang sina Francisco at Jacinta Marto, sa Aljustrel, Fatima kung saan naganap ang mga aparisyon ng Mahal na Birhen.

Ayon sa kasaysayan ng Simbahan na siyang naipakita sa pelikula, nagsimula ang kwento noong tagsibol ng 1916 sa Portugal. Sa mga panahong iyon, lumaganap ang komunismo sa bansa at sinimulang patumbahin ang Simbahang Katoliko sa bansa.

IBA’T IBANG mga obra ng mga batikan at baguhang Tomasinong alagad ng sining ang ipinakita sa ikalawang pagsasama-sama ng iba’t ibang mga galeriya sa Pilipinas sa ManilArt 2010. Ito ay inorganisa ng Bonafide Art Galleries Association (BAGO) sa SMX Convention Center na idinaos noong Hulyo 29 hanggang Agosto 1.

Ang ginamit na piyesa bilang opisyal na larawan ng ManilArt 2010 ay ang obra ng UST Fine Arts alumnus na si Andres Barrioquinto na tinawag na “Crystal Gazer.”

Kabilang sa mga pintor na nagmula sa UST na sumali sa ManilArt ay sina Arturo Luz, Roberto Chabet, Lydia Velasco, Jomike Tejido at Anton Balao.

Lumahok din ang sikat na iskultor na si Ramon Orlina na kilala sa paggamit ng salamin bilang medium sa paggawa ng iskultura.

PANINGIN ang karaniwang ginagamit upang humusga ng kagandahan, ngunit ipinababatid ng Sensorium of Portraits: The Inner Connectedness of Everyone and Everything, isang tactile exhibit para sa mga indibidwal na hindi nakakikita, na ang diwa ng sining ay hindi lamang limitado sa mga kulay o guhit-balangkas.

Ang tanghal na ito ni Allison Wong-David ay matatagpuan sa Metropolitan Museum of Manila mula noong Hunyo 2009 at tatakbo hanggang sa katapusan ng taon. Ito ay parte ng programang Touch the Artist Vision na sinusuportahan ng UST Graduate School-Center for Conservation of Cultural Property and Environment in the Tropics.

DALAWANG mag-aaral mula sa College of Fine Arts and Design ang nagpakitang-gilas sa kanilang exhibit na tinawag na Ulap sa Lupa na ginanap sa Botong’s Up Bistro sa A. Venue Mall sa lungsod ng Makati mula Agosto 2 hanggang 20.

Tampok dito ang mga gawa nina Kevin “Gripo” Balboa at Frances Nicole “Biwan” Delos Angeles na kasalukuyang nasa kanilang ikaapat na taon sa kursong Painting.

“Ang konsepto ng aming mga gawa ay umiikot sa paghahanap ng mga simpleng pangyayaring nagbibigay kaligayahan sa mga tao, na kung minsan ay nakakaliligtaan ng nakararami,” ani Balboa at Delos Angeles.

ISANG Tomasino ang pinarangalan sa katatapos na Ateneo Art Awards (AAA) 2010 na ginanap noong ika-12 ng Agosto sa Grand Atrium ng Shangri-La Plaza sa Mandaluyong.

Si Mark Salvatus, nagtapos ng kursong Advertising Arts sa College of Fine Arts and Design noong 2003, ay isa sa mga nanalo sa AAA 2010, kasama ang dalawang kapwa alagad ng sining na sina Leslie de Chavez at Pow Martinez. Siya ay pinarangalan para sa kaniyang “Secret Garden,” isang obra na itinampok sa Sangduan 5: Daloy ng Dunong sa Pambansang Museo. Ito ay gawa sa bote ng softdrinks na ginupit upang magmukhang halaman at inilagay sa look ng pader upang makita sa pamamagitan ng isang bintana.

UPANG ipakita sa publiko ang kariktan ng papel, pitong alagad ng sining ang nagsama-sama sa exhibit na pinamagatang Pumapapel: Art in Paper na nag-umpisa noong ika-13 ng Hulyo at tatagal hanggang Nobyembre 16 sa Yuchengco Museum.

Bumida ang dalawang Tomasinong artist na nagtapos ng Advertising mula sa dating College of Architecture and Fine Arts na sina Tony Gonzales at Tes Pasola na piniling gamitin ang papel bilang materyal sa kanilang sining.

Kasama ng dalawa ang printmaker na si Pandy Aviado, iskultor na si Impy Pilapil, Joey Cobcobo, Wataru Sakuma at Asao Shimura at ang walong mag-aaral ng School of Fashion and the Arts (SoFA).

HINDI maipagkakait na mababa ang pagtingin ng ibang tao sa mga Tagalog romance pocketbooks maliban sa mga bumabasa nito. Masasabing “cheap” ang mga ito dahil nabibili ito sa mga tiangge at narerentahan.

Samantala, sa kabila ng lahat ng pagsisikap na matamo ang paghanga mula sa mambabasa ano man ang estado ng buhay, hindi maiiwasan ang mga kritiko sa paggamit ng wikang “Taglish” o “Engalog” at pagsulat ng nobela dagdag pa ang stigma sa lipunan na ang mga ito ay para sa mga nabibilang sa mababang uri ng lipunan.

Ani Roberto Ampil, isang guro ng Filipino sa Faculty of Arts and Letters, karamihan ng kabataang kaniyang nakasalamuha ay nahihiyang aminin na nagbabasa sila ng mga pocketbooks.