Tag: September 1, 2001

Nang nararamdaman na ni P. Miguel de Benavides na nalalapit na ang kanyang kamatayan, gumawa siya ng testamentong nagsasaad ng kanyang kagustuhan na magtayo ng isang kolehiyo. Handa siyang maglaan ng isang libong piso at ipagkaloob ang kanyang personal na koleksyon ng mga aklat upang maisakatuparan lamang ito.

Mula sa koleksiyon ni P. Benavides, lumaki ang bilang ng mga aklat ng Unibersidad. Noong 1613, ibinahagi ng Obispo ng Vigan, Ilocos Sur, dating Nueva Segovia, na si P. Diego de Soria, ang kanyang personal na koleksiyon para sa lumalaking populasyon ng kolehiyo.

MAHALAGANG magkaroon ng simbahan para sa mahihirap. Ito ang tinalakay ni Obispo Teodoro Bacani, Jr. DD sa isang seminar tungkol sa mga layunin ng Plenary Council of the Philippines II sa Aula Magna, Faculty of Sacred Theology noong Agosto 24.

Sang–ayon sa Vision-Mission statement ng Catholic Bishops’ Conference of the Philippines sa plenary assembly ng mga obispo noong Hulyo 23, 1992, inihayag niya ang kahalagahan ng simbahan sa Pilipinas.

HINIHIKAYAT ng Catholic Bishops’ Conference of the Philippines (CBCP) ang mga Katoliko na pahalagahan ang kanilang pera at iwasan ang pagsusugal partikular ang pagpapalawig ng online gambling ng gobyerno.

Ipinahayag nila ito matapos pahintulutan ng Philippine Amusements and Gaming Corporation (Pagcor) ang paglalaro ng Quik Pick, isang sugal mula sa Best World Gaming And Entertainment Resources Corporation.

IPINAHAYAG ni Dekana Gloria Bernas ng College of Science na magiging mabulas na ang mga pag-aaral ng paghahalaman sa pagkabukas ng UST Botanical Garden at Butterfly Sanctuary.

Matatagpuan ang hardin sa pagitan ng simbahan ng Santissimo Rosario at UST Main Bldg. Nagiging tanyag na rin itong pasyalan ng mga mag-aaral at bisita sa unibersidad.

“The Botanical Garden will serve as live classroom for the students,” ani Bernas sa pasinaya ng hardin noong Agosto 9, na pinangunahan ng Rektor P. Tamerlane Lana, O.P.

LIHIS sa kinagisnang adhikain ng isang pagamutan ang ipagkait sa sinuman ang impormasyong makatutulong upang makaiwas sa anumang sakuna o seryosong problemang pang-kalusugan ang isang may karamdaman.

Noong Hulyo 15, 1997, nilagdaan ng dating Pangulong Fidel Ramos ang Proklamasyon Blg. 1041 na higit na magtataguyod sa kahalagahan ng wikang Filipino sa pamamagitan ng pagdaraos ng mga natatanging programa para sa buong buwan ng Agosto, mula sa dating isang linggong pagdiriwang lamang.

KABILANG sa palasak na hanay ng pagtatanghal at patimpalak ng Unibersidad ng Santo Tomas (UST) para sa pagdiriwang ng Buwan ng Wika ang pagdaraos ng balagtasan, dula, sabayang pagbigkas, madamdaming pagsasayaw at pagpapatugtog ng mga instrumento, pag-awit, pagsasadula ng piling bahagi (excerpt), at video presentation. Nilalahukan ang mga nabanggit na pagtatanghal ng mga estudyante sa iba’t ibang kolehiyo, pati na sa sekundarya at elementarya.

TULAD ng isang ulilang nangangarap magkaroon ng tahanang masisilungan, kailangan din ng wikang Filipino ang isang tahanang mag-aaruga upang higit nitong mapaunlad ang sarili sa loob ng isang progresibong akademya na tulad ng Unibersidad ng Santo Tomas.

Sa mga nagtataguyod ng wikang Filipino, isang hiwalay na kagawaran ng Filipino ang kailangan ng UST upang lubusang mapalaganap at mapaunlad ang sariling wika sa loob ng Unibersidad.

Isa sa mga katangian ng wikang Filipino ay nagbabago, ngunit kung titignan ang sitwasyon nito sa Unibersidad ng Santo Tomas, kahiya-hiyang wala itong pagbabago.

Ang totoo, hindi lamang sa survey ng Asiaweek nahuhuli ang UST kundi pati na rin sa pagtataguyod ng ating sariling wika.

PINANGUNAHAN ni Rektor P. Tamerlane Lana, O.P. ang pagpapasinaya ng bagong opisina ng UST Medical Missions, Inc. (USTMMI) sa ikaapat na palapag ng St. Martin de Porres Building noong Agosto 17.

Sa pamamagitan ng isang grant for outreach program mula sa Unibersidad, naipatayo ang bagong opisina ng USTMMI.