Tag: Agosto 20, 2013

IPINAGDIRIWANG natin ang buwan ng Agosto hindi lamang upang malaman ang kahalagahan ng ating sariling wika o kung para sa Pilipinas ba tayo o sa Filipinas. Ito rin ay ang panahon upang ipaalala sa ating mga Pilipino ang ating pagkakakilanlan at kinagisnan.

BINABALAK ng mga opisyal ng Unibersidad na isara na ang kampus mula sa publiko upang siguraduhin ang kaligtasan ng mga nasa loob nito.

Ito ang mungkahi ni Joseph Badinas, pinuno ng UST Security Office. Aniya, mas mainam kung hindi bukas sa publiko ang Unibersidad.

“Kapag hindi ka estudyante ng Unibersidad, hindi ka makakapasok ng campus,” aniya.

Ayon sa panukala, lahat ng hindi estudyante ng Unibersidad ay dadaan sa P. Noval at Lacson para itala ang dahilan ng kanilang pagbisita.

“Lahat ng sibilyan na gugustuhing pumasok kailangan balido ang dahilan," ani Badinas.

NASUGPO nga ba ng sin tax reform law ang talamak na paggamit ng alkohol at sigarilyo sa bansa?

Ilang buwan na ang nakalilipas mula ng implementasyon nito ngunit tila walang malaking pagbabago ang naidulot ng batas, ani Senate President Franklin Drilon, isa sa nagtataguyod nito.

Upang ilayo ang mga tao sa bisyo, mas lalong tumaas ang excise tax ng mga inumin na alkohol at sigarilyo sa halip na gawin itong ilegal. Ayon sa Bureau of Internal Revenue, ang excise tax ay pinapataw sa mga kalakal pang-konsumpsiyon na ginawa sa Pilipinas.

Ayon kay Drilon, datapwa’t umaabot ang buwis na nakukuha nila mula sa sin tax law sa layunin ng gobyerno, hindi pa rin bumababa ang kalagayan ng paninigarilyo sa bansa.

TILA binabagyo na rin ng mga suliranin ang Pagasa.

Ang kasalatan sa badyet na nakalaan para sa Philippine Atmospheric, Geophysical, and Astronomical Services Administration (Pagasa) ang itinuturong dahilan ng dalawang malaking problemang hinahaharap ngayon ng ahensiya—ang kakulangan sa mga bihasang weather forecaster at modernong kagamitan sa pag-uulat ng panahon.

Sa mga nakalipas na buwan, ilan sa mga beteranong forecaster ng Pagasa ang nagbitiw kapalit ng mas magandang trabaho sa ibang bansa.

SOLUSYON gamit ang teknolohiya.

Itinampok ng Department of Science and Technology (DOST) ang iba’t ibang proyekto at makabagong kaalaman sa agham at teknolohiya sa ginanap na National Science and Technology Week noong Hulyo 23-27 sa SMX Convention Center sa Lungsod ng Pasay.

Sa temang “Science, Technology and Innovation: The Road to a SmarTer Philippines,” ipinakita ng DOST ang aplikasyon ng makabagong teknolohiya sa paglutas ng mga suliraning maaaring humadlang sa patuloy na pagsulong ng bansa.

Isa sa mga suliraning binigyang-solusyon ay ang pagpapaunlad sa disaster risk reduction and management ng bansa kung saan tinalakay ang mga paraan na maaaring gamitin upang makaiwas sa banta ng mga delubyo.

MIKROBYO na kaya ang susi sa mas malinis na kapaligiran?

Isang pananaliksik ng mga mag-aaral na nagtapos ng Microbiology noong taong 2009 ang pinarangalan ng Outstanding Scientific Paper Award ng National Academy of Science and Technology ng Department of Science and Technology (DOST) para sa taong ito.

Sa pagsasaliksik nina Llewelyn Moron, Jeremy Torres, Christine Cardenas at Ana Guzman na “Dye Decolorization Activities of Marine-Derived Fungi Isolated from Manila Bay and Calatagan Bay, Philippines,” napatunayan ang kakayanan ng mga marine-derived fungi sa paglilinis ng mga maruruming anyong-tubig sa bansa.

SA TULONG ng mag-asawang Tomasinong sina Jude at Maria Theresa Roldan, kinilala kamakailan ang Hail Mary the Queen Children’s Choir bilang pinakaunang “Children’s Choir of the World.”

Ang hangad nilang magturo ng musika sa mga kabataan ang nagtulak sa kanila upang sumali sa ika-67 Llangollen International Musical Eisteddfod sa North Wales ng United Kingdom kung saan nila nakamit ang gantimpala.

Dahil sa kanilang makasaysayang pagkapanalo, natulungan ang mga kabataang kasapi ng koro na nanggaling sa iba’t ibang antas ng buhay sa paglago ng kanilang talento sa pagkakanta at musika.

Matimping panimula

TUNGKULIN niyang sumagip ng buhay at lumaban siya para isagip ang sa kaniya.

Ehemplo ang 42 anyos na si Gia Baquiran-Sison dahil sa kanyang tagumpay laban sa breast cancer.

Isa siyang manggagamot ng occupational medicine na nagtapos ng Bachelor of Science in Medical Technology noong 1992 at sa Faculty of Medicine and Surgery noong 1996. “I am a breast cancer survivor, having stage two breast cancer. I’m about to finish my chemotherapy cycle on August 5, but I’m looking forward to survivorship.”

Alam man ng marami na isang kritikal na sakit ang kanser, sinabi ni Gia na iba na talaga ang pakiramdam kapag ikaw na ang nagkaroon nito.

BILANG pagdiriwang ng ika-690 anibersaryo ng kanonisasyon ni Santo Tomas de Aquino, inihandog ng UST Museum of Arts and Sciences ang isang eksibit na tampok ang kagandahan ng garing, Ars Eboris Sacri (Art of Sacred Ivory): Ivory and Controversy.

Nagbukas ito noong ika-18 ng Hulyo at magtatapos sa ika-28 ng Setyembre. Layunin ng eksibit na ipahayag ang pagkadismaya ng Unibersidad sa ilegal na pagpatay sa elepante at pagpuslit ng garing, na gawa sa pangil ng mga ito.

Itinanghal ng Unibersidad ang mga koleksiyon nitong relika na ginawa pa noong ika-16 hanggang ika-19 na siglo. Isa sa mga ito ang “Crucifixion of Christ,” ang pinakamalaking imahe sa Pilipinas na gawa sa garing.

ANG PAGLAKIP sa dalawang magkaibang kultura ang naging tema ng matagumpay na pagsasanay sa tugtugin ng mga instrumentong gong at bamboo ng Maguindanao at Kalinga mula Hulyo 15 hanggang 19 sa Konserbatoryo ng Musika sa tulong ng National Commission for Culture and the Arts (NCCA) at Philippine Society for Music Education (PSME).

Ito ang kauna-unahang pagkakataon na nagkaroon ng paglinang sa kulturang musika ng Maguindanao at Kalinga sa pagitan ng mga unibersidad na nagbigay ng panibagong kahalagahan sa kultura ng mga katutubo sa Pilipinas.